Dy persona kanë humbur jetën si pasoj e një aksidenti të rëndë që ka ndodhur sot në fshatin Ponoshec të Gjakovës.

Zëdhënësi i Policisë për Rajonin e Gjakovës, Nysret Xhurkaj, i ka thënë arbresh.info se aksidenti fatal ka ndodhur sonte rreth orës 18:00, ku vozitësi i automjetit me targa të Shqipërisë kishte humbur kontrollin mbi veturën e tij, duke dalur në shiritin tjetër dhe godet një veturë.

“Me 18.01.21, rreth orës 18:00 në fshatin Ponoshec ka ndodh aksident trafiku me fatalitet. Vozitësi i automjetit me targa të Shqipërisë, i cili si pasojë e humbjes së kontrollit mbi automjetin e tij, del në shiritin tjetër duke goditur veturën që ishte duke lëvizur në shiritin e tij” , ka thënë Xhurkaj.

Në këtë aksident kanë mbetur dy të vdekur dhe një me lëndime serioze.

“Në vend ngjarje kanë dal zjarrfikësit dhe autoambulanca, ku sipas ekipit mjekësor kanë konstatuar vdekjen e 2 personave, pasagjeri i tretë ka pësuar lëndime serioze ndërsa vozitësi i veturës ka pësuar lëndime të lehta trupore. Ne vendngjarje ka dalë dhe kryeprokurori”, tha Xhurkaj për arbresh.info.

Sipas tij, ekipet po vazhdojnë shikimin e vendit te ngjarjes./arbresh.info/